2019թ. օգոստոսի 5-17-ը Հայաստանում և Արցախում անցկացվող Համահայկական ամառային 7-րդ խաղերին իրենց մասնակցությունը բերեցին նաև Աշտարակ համայնքը ներկայացնող մարզիկները՝ շախմատ, բազկամարտ, կանանց վոլեյբոլ, սեղանի թենիս մարզաձևերում:

Շախմատ մրցաշարի կանանց առաջնությունում հաղթող է ճանաչվել մեր համայնքը ներկայացնող Սոնա Ասատրյանը և զբաղեցրել 1-ին պատվավոր հորիզոնականը՝ պարգևատրվելով ոսկե մեդալով և դիպլոմով:

Շնորհավորում ենք մեր մարզիկին հաղթանակի կապակցությամբ և մաղթում նորանոր նվաճումներ:

Օգոստոսի 6-ին Ստեփանակերտի Ստեփան Շահումյանի անվան հանրապետական մարզադաշտում կայացավ Համահայկական ամառային 7-րդ խաղերի բացման հանդիսավոր արարողությունը, որին մասնակցեց նաև Աշտարակ համայնքը ներկայացնող 36 հոգանոց պատվիրակությունը՝ համայնքի ղեկավար Թովմաս Շահվերդյանի գլխավորությամբ:

Համահայկական այս ձեռնարկին Աշտարակ համայնքի դրոշի ներքո հանդես եկող մարզիկները մրցելու են շախմատ, բազկամարտ, կանանց վոլեյբոլ, սեղանի թենիս մարզաձևերում:

Համահայկական ամառային 7-րդ խաղերի փակումը տեղի կունենա օգոստոսի 17-ին՝ Երևանի Ազատության հրապարակում:

<<Ամառն ավելի հետաքրքիր է Ռոստելեկոմի հետ>>.

Այս խորագիրն էր կրում հուլիսի 23-ին Աշտարակի Կոմիտասի անվան զբոսայգում Աշտարակի համայնքապետարանի և Ռոստելեկոմի համագործակցության արդյունքում կայացած բացօթյա կինոդիտումը՝ փոքրիկների և մեծահասակների համար: 

Ամառային հաճելի երեկոյի ընթացքում ներկաները վայելեցին «Անահիտ» մուլտֆիլմն ու «Առաջին դեմք» ֆիլմը: 

Աշտարակ համայնքի 2018թ. բյուջեի նախագծումն իրականացրել են օնլայն հարթակում՝ համատեղելով սոցիալական մեդիայի և համայնքի կայքէջի հնարավորությունները: Համայնքապետարանի պաշտոնական կայքում պատուհան է ավելացվել, որտեղ տեղադրել են համայնքի 2018թ. բյուջեի նախագծի հանրային քննարկման հրավերը: Պատրաստել են բյուջեի հակիրճ, լայն հանրության համար մատչելի տարբերակը և ներբեռնման հնարավորությամբ տեղադրել կայքում:

Մանրամասները սկզբնաղբյուր կայքում՝ https://hetq.am/hy/article/105536

Հունիսի 21-ին Աշտարակի համայնքապետարանի նիստերի դահլիճում կայացավ Աշտարակ համայնքի ավագանու հերթական նիստը, որը հեռարձակվեց նաև առցանց:

Ավագանու նիստը նախագահում էր համայնքի ղեկավար Թովմաս Շահվերդյանը, արձանագրում էր աշխատակազմի քարտուղար Սամվել Սահակյանը:

Հունիսի 8-ին «Մաքուր Հայաստան» գործողությունների ծրագրի շրջանակում անցկացվող համապետական շաբաթօրյակի շրջանակում Աշտարակ համայնքում անցկացվեց համաքաղաքային շաբաթօրյակ:

Համայնքի ղեկավար Թովմաս Շահվերդյանի կարգադրությամբ համաքաղաքային շաբաթօրյակ կազմակերպելու նպատակով ստեղծված կազմկոմիտեն իրականացրեց նախապատրաստական և կազմակերպչական բոլոր աշխատանքները:

Մաքրման աշխատանքները, որոնք մեկնարկել էին վաղ առավոտից տարվեցին արդեն նախապես ճշտված վայրերում: Ըստ անհրաժեշտության՝ մասնակիցներն ապահովվեցին համապատասխան գործիքներով ու պարագաներով, իսկ մաքրման աշխատանքների ժամանակ հավաքված աղբը ժամանակին տեղափոխվեց:

Համայնքի մաքուր և բարեկարգ տեսքը սկսվում է յուրաքանչյուր քաղաքացու սրտացավ վերաբերմունքից: