Հիմք ընդունելով Վարդան Բասումյանի լիազոր անձ Բորիս Հակոբյանի 13.06.2025թ. N 7531 դիմումը՝ ինքնակամ կառուցած և օրինական ճանաչված շինությունը գնելու վերաբերյալ համայնքապետարանի կողմից արված առաջարկությանը համաձայնություն տալու մասին, ղեկավարվելով Հայաստանի Հանրապետության կառավարության 2006թ. մայիսի 18-ի N 912-Ն /ինքնակամ կառույցների օրինականացման և տնօրինման մասին կարգի IV բաժին/ որոշման պահանջներով, նկատի ունենալով, որ նշված շինության համար սահմանված կարգով առանձնացված 0.02207 քմ հողամասը /ծածկագիր` 02-093-0012-0150/ չի հանդիսանում Հայաստանի Հանրապետության հողային օրենսգրքի 60-րդ հոդվածով սահմանված հողամաս,
Ո Ր Ո Շ ՈՒ Մ Ե Մ. 1. Աշտարակ համայնքի, Սաղմոսավան բնակավայրի1-ին փողոց 4/2 հասցեում գտնվող, համայնքային սեփականություն հանդիսացող /սեփ. վկայական` N 06062025-02-0056/ 16.9 քմ արտաքին մակերեսով պարիսպը սահմանված գնով, իսկ շինություններով ծանրաբեռնված 0.02207քմ մակերեսով հողամասը ուղղակի վաճառքով /կադաստրային արժեքով/ օտարել շինություններն իրականացրած Վարդան Կարապետի Բասումյանին /ՀԾՀ. 3010740085/: 2. Վաճառքի գինը պարսպի համար կազմում է 254463 /երկու հարյուր հիսուն չորս հազար չորս հարյուր վաթսուն երեք/ ՀՀ դրամ, իսկ հողամասի համար 1716618 /մեկ միլիոն յոթ հարյուր տասնվեց հազար վեց հարյուր տասնութ/ ՀՀ դրամ: 3.Գնման նախապատվության առաջարկն ընդունելուց հետո 30-օրյա ժամկետում օրինականացված ավտոտնակի և դրա համար սահմանված կարգով առանձնացված հողամասի վաճառքի գները չվճարելու դեպքում հարցին ընթացք կտրվի գործող օրենսդրությանը համապատասխան: 4.Քաղաքաշինության և հողաշինության, ֆինանսատնտեսագիտական և գնումների բաժիններին /Վ. Վարդանյան, Ա. Արամյան/ - Սույն որոշման 1, 2, 3 կետերի հանձնարարականներն ընդունել ի գիտություն