Արագածոտնի մարզի Աշտարակ քաղաքում առաջին անգամ գինու փառատոն անցկացվեց
Քաղաքը, որը հայտնի է ընկույզով, պարզվում է նաև տեղական գինու արտադրության հետաքրքիր պատմություն ունի։
«Խորհրդային տարիներին «Աշտարակ» գինին ամենապատվավոր ըմպելիքն էր հայկական ընտանիքում։ Այն սեղան էին դնում Ամանորին կամ հարսանիքների ժամանակ։ Իսկ Հայաստանի խորհրդայնացումից առաջ Աշտարակում ինքնատիպ գինու երկու տեսակ կար`Ոսկեհատ և Խարջի», – հպարտությամբ պատմում է գինու տեղի գիտակներից մեկը` Հրաչ Խաչատրյանը։
Փառատոնը կազմակերպել է Աշտարակ քաղաքի վարչակազմը։ Փոխքաղաքապետ Գևորգ Եղիազարյանը նշեց, որ զբոսաշրջության և էկոնոմիկայի զարգացումը քաղաքի զարգացման հիմնական ծրագրի մեջ են մտնում։
Փառատոնը կրում է «Գինի և մշակույթ» խորագիրը։ |