Հիմք ընդունելով «Տեղական ինքնակառավարման մասին» օրենքի 8-րդ հոդվածի 1-ին մասի 14-րդ կետը, 11-րդ հոդվածը, 13-րդ հոդվածի 10-րդ մասը, ղեկավարվելով ՀՀ կառավարության 2023 թվականի նոյեմբերի 2-ի N 1890-Ն որոշման պահանջներով, հաշվի առնելով համայնքի ղեկավարի առաջարկությունը, Աշտարակ համայնքի ավագանին`

Ո Ր Ո Շ ՈՒ Մ Է.

1.Աշտարակ համայնքում սկսել 2026 թվականի մասնակցային բյուջետավորման գործընթացը։

2.Աշտարակ համայնքի 2026 թվականի բյուջեում նախատեսել 50 000 000 (հիսուն միլիոն) ՀՀ դրամ գումար՝ 2026թ․-ի ընթացքում մասնակցային բյուջետավորման գործընթաց իրականացնելու նպատակով։

3.Սահմանել մասնակցային բյուջետավորման առաջարկների նախնական գնահատման աղյուսակի ձևաթուղթը՝ համաձայն հավելվածի:

4. Սահմանել, որ քվեարկությանը մասնակցելու իրավունք ունեցողների առնվազն մեկ տոկոսի կողմ ձայների դեպքում առաջարկ-նախագիծը համարվում է հաղթած:

5. Մասնակցային բյուջետավորման գործընթացի իրականացման համար սահմանել համայնքի տնտեսական և սոցիալական ենթակառուցվածքների զարգացմանն ուղղված ոլորտները (կապիտալ բնույթի)՝ որպես առաջնահերթություն։

6. Համայնքի ղեկավարին՝

1) սույն որոշման 1-ին կետում սահմանված գործընթացը՝ որպես ծրագրային բաղադրիչ, ներառել համայնքի 2026-2028թթ․-ի ՄԺԾԾ-ում, 2026թ․ տարեկան աշխատանքային պլանում և բյուջեում.

2) իրականացնել վերահսկողություն մասնակցային բյուջետավորման գործընթացի նկատմամբ։

7. Սույն որոշումն ուժի մեջ է մտնում հրապարակմանը հաջորդող օրվանից: