Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 11-րդ, 28-րդ կետերի և 28-րդ հոդվածի 1-ին մասի 5-րդ կետի պահանջներով,  Աշտարակ համայնքի ավագանին`

Ո Ր Ո Շ ՈՒ Մ  Է.

1.Աշտարակ համայնքի ղեկավարի աշխատավարձը սահմանել ամսական 565 000 /հինգ հարյուր վաթսունհինգ հազար/ ՀՀ դրամ:

2.Հաստատել Հայաստանի Հանրապետության Արագածոտն մարզի Աշտարակի համայնքապետարանի աշխատակազմի կառուցվածքը՝ համաձայն N 1 հավելվածի։ 

3.Հաստատել Հայաստանի Հանրապետության Արագածոտն մարզի Աշտարակի համայնքապետարանի աշխատակազմի աշխատակիցների թվաքանակը, հաստիքացուցակը  և պաշտոնային դրույքաչափերը՝ համաձայն N 2  հավելվածի։

4.Առաջարկել Աշտարակ համայնքի ղեկավարին` համայնքային ծառայության պաշտոնների անվանացանկում համապատասխան փոփոխություններ կամ լրացումներ կատարելու նպատակով  սահմանված կարգով դիմել  ՀՀ կառավարության լիազորված պետական կառավարման մարմին։

5.Սույն որոշումն ուժի մեջ է մտնում 2022 թվականի հունվարի 1-ից՝ բացառությամբ հավելված 2-ի 2-րդ և 3-րդ մասերի:

6.Սույն որոշման հավելված 2-ի 2-րդ մասն ուժի մեջ է մտնում Հայաստանի Հանրապետության կառավարության լիազորած պետական կառավարման մարմնի կողմից համայնքային ծառայության պաշտոնների անվանացանկում համապատասխան փոփոխություններ կամ լրացումներ կատարելու մասին իրավական ակտն ուժի մեջ մտնելու պահից։

7.Սույն որոշման հավելված 2-ի 3-րդ մասն ուժի մեջ է մտնում 2022 թվականի փետրվարի 22-ից՝ բացառությամբ 5-րդ կետի:

8.Սույն որոշման հավելված 2-ի 3-րդ մասի 5-րդ կետն ուժի մեջ է մտնում 2022 թվականի հունվարի 1-ից: