Հիմք ընդունելով Ռիմա Ղազարյանի և Երվանդ Եսայանի 24.11.2023թ. N 12601՝ ինքնակամ երկհարկանի ավտոտնակը օրինականացնելու մասին համատեղ դիմումը, ղեկավարվելով Հայաստանի Հանրապետության կառավարության 2006թ. մայիսի 18-ի N 731-Ն և N 912-Ն, 29.12.2005թ. N 2387-Ն որոշումների, Հայաստանի Հանրապետության <Տեղական ինքնակառավարման մասին> օրենքի 35-րդ հոդվածի 1-ին մասի 24-րդ կետի պահանջներով, նկատի ունենալով, որ նշված ինքնակամ երկհարկանի ավտոտնակի պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին և առողջությանը, ինչպես նաև ավտոտնակը չի գտնվում ինժեներատրանսպորտային օբյեկտների անվտանգության գոտում, կառուցված չէ քաղաքաշինական նորմերի և կանոնների էական խախտումներով, չի առաջացնում հարկադիր սերվիտուտ պահանջելու իրավունք և կառուցված չէ Հայաստանի Հանրապետության հողային օրենսգրքի 60-րդ հոդվածով սահմանված հողերի վրա`

ՈՐՈՇՈՒՄ ԵՄ.

1. Աշտարակ քաղաքի Տիգրան Մեծի փողոցի N 21 շենքի հարևանությամբ գտնվող, 02-001-0106-0001 ծածկագրից համայնքային սեփականություն հանդիսացող 25քմ բնակավայրերի նշանակության բնակելի կառուցապատման հողամասի վրա ինքնակամ կառուցված 50քմ ընդհանուր արտաքին մակերեսով /ներքին մակերեսը՝ 43քմ/ երկհարկանի ավտոտնակը ճանաչել համայնքային սեփականություն /հաշվառման ծածկագիր՝ 20236W4C3P/:

2. Առաջին կետում նշված ինքնակամ երկհարկանի ավտոտնակը ճանաչել օրինական և հասցեն համարել`

- Աշտարակ համայնք, ք. Աշտարակ, Գեղազնիկի փողոց, ավտոտնակ N 22/53:

3. Առաջարկել կառույցն իրականացրած Ռիմա Ղազարի Ղազարյանին և Երվանդ Հմայակի Եսայանին գնելու օրինական ճանաչված 50քմ ընդհանուր արտաքին մակերեսով /ներքին մակերեսը՝ 43քմ/ երկհարկանի ավտոտնակը` 1քմ-ի օտարման համար վճարելով 1969 /մեկ հազար ինը հարյուր վաթսունինը/ ՀՀ դրամ, իսկ երկհարկանի ավտոտնակի զբաղեցրած 25քմ հողամասի 1քմ-ի օտարման համար՝ 4442 /չորս հազար չորս հարյուր քառասուներկու/ ՀՀ դրամ:

4. Քաղաքաշինության և հողաշինության, ֆինանսատնտեսագիտական և գնումների բաժիններին /Ն. Մուրադյան, Ա. Արամյան/

- Սույն որոշման 1, 2, 3 կետերի հանձնարարականներն ընդունել ի գիտություն: