Զեկ. ՍԱՄՎԵԼ ՍԱՀԱԿՅԱՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 28-րդ կետի և «Պետական ոչ առևտրային կազմակերպությունների մասին» օրենքի 9-րդ հոդվածի 5-րդ մասի պահանջներով, Աշտարակ համայնքի ավագանին՝

Ո Ր Ո Շ ՈՒ Մ Է.

1. Ստեղծել «Աշտարակի ուսումնական տեխնոլոգիական կենտրոն» համայնքային ոչ առևտրային կազմակերպություն:

2. Հաստատել «Աշտարակի ուսումնական տեխնոլոգիական կենտրոն» համայնքային ոչ առևտրային կազմակերպության կանոնադրությունը` համաձայն հավելվածի 1-ի:

3. Հաստատել համայնքային ոչ առևտրային կազմակերպության կառուցվածքը, աշխատակիցների քանակը, հաստիքացուցակը և պաշտոնային դրույքաչափերը՝ համաձայն հավելվածի 2-ի:

4. «Աշտարակի ուսումնական տեխնոլոգիական կենտրոն» համայնքային ոչ առևտրային կազմակերպության գործունեության առարկան երեխաների և դեռահասների ազատ ժամանցի կազմակերպման միջոցով նրանց հետաքրքրությունների զարգացման համար պայմանների ստեղծումն է ժամանակակից տեխնոլոգիական միջոցներով։

5. «Աշտարակի ուսումնական տեխնոլոգիական կենտրոն» համայնքային ոչ առևտրային կազմակերպությանն անհատույց օգտագործման իրավունքով ամրակցել մարզ Արագածոտն, համայնք Կարբի 4-րդ փողոց թիվ 1 հանրախանութ հասցեի անշարժ գույքը:

6. Ապահովել «Աշտարակի ուսումնական տեխնոլոգիական կենտրոն» համայնքային ոչ առևտրային կազմակերպության կանոնադրության հաշվառումն իրավաբանական անձանց պետական ռեգիստրի գործակալությունում:

7. Սույն որոշումն ուժի մեջ է մտնում հրապարակմանը հաջորդող օրվանից: