Հաշվի առնելով խնդիրների հրատապությունը, ինչպես նաև հիմք ընդունելով հաղթող ճանաչված <<ՀԻՊՈԿՐԱՏ ԴԵՆՏ>> ՍՊԸ-ի հայտարարությունը գնումների գործընթացից հրաժարվելու մասին, ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 42-րդ կետի, <<Գնումների մասին>> օրենքի 23-րդ հոդվածի 1-ին մասի 2-րդ կետի, Հայաստանի Հանրապետության կառավարության 2017 թվականի մայիսի 4-ի N 526-Ն որոշման պահանջներով, Աշտարակ համայնքի ավագանին՝

Ո Ր Ո Շ ՈՒ Մ Է. 

1. Աշտարակ համայնքի կարիքների համար ամանորյա նվերների /մատիտների և ֆլոմաստերների հավաքածուներ/ ձեռքբերման ընթացակարգը համարել անհետաձգելի պահանջ և թույլատրել իրականացնելու մեկ անձից գնման ընթացակարգով՝ համաձայն կից ներկայացվող նախահաշվի:

2. Աշտարակ համայնքի կարիքների համար Ամանորին նվիրված միջոցառման կազմակերպման ծառայության ձեռքբերման ընթացակարգը համարել անհետաձգելի պահանջ և թույլատրել իրականացնելու մեկ անձից գնման ընթացակարգով՝ համաձայն կից ներկայացվող նախահաշվի:

3. Սույն որոշումն ուժի մեջ է մտնում ընդունման պահից: