Հիմք ընդունելով ՀՀ վարչապետի 2009թ. դեկտեմբերի 22-ի N 1064-Ա որոշմամբ ստեղծված ՀՀ համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 26.01.2024թ. N 2/փ-33 դրական եզրակացությունը` Աշտարակ համայնքի  Օրգով բնակավայրի 02-114-0118-0001 ծածկագրից 1,42206հա և 02-114-0118-0002 ծածկագրից 1,60942հա հողամասերի նպատակային նշանակությունը փոփոխելու մասին,ղեկավարվելով ՀՀ կառավարության 29.12.2011թ. N 1920-Ն որոշման և <<Տեղական ինքնակառավարման մասին>>  օրենքի 18-րդ հոդվածի 1-ին մասի 31-րդ կետի պահանջներով, Աշտարակ համայնքի ավագանին՝

Ո Ր Ո Շ ՈՒ Մ Է.

1. Հաստատել Աշտարակ համայնքի Օրգով բնակավայրի վարչական սահմաններում գտնվող, պետական սեփականություն հանդիսացող 02-114-0118-0001 ծածկագրից 1,42206հա մակերեսով հատուկ պահպանվող տարածքների հողեր նպատակային նշանակության՝պատմական և մշակութային հողեր գործառնական նշանակության հողամասի նպատակային նշանակությունը գյուղատնտեսական հողեր նպատակային նշանակության վարելահողի և քաղաքացու սեփականություն հանդիսացող 02-114-0118-0002 ծածկագրից 1,60942հա մակերեսով գյուղատնտեսական նպատակային նշանակության վարելահողի նպատակային նշանակությունը հատուկ պահպանվող տարածքների հողեր նպատակային նշանակության՝պատմական և մշակութային հողերի փոփոխությունը:

2. Առաջին կետում նշված փոփոխությունները սահմանված կարգով արտացոլել Աշտարակ համայնքի հողերի հաշվառման տարեկան հաշվեկշռում և Օրգով բնակավայրի ընթացիկ քաղաքաշինական քարտեզներում: