Հիմք ընդունելով Աշտարակ համայնքի ավագանու 04.07.2025թ. N 98-Ա որոշումը, ՀՀ վարչապետի 2009թ. դեկտեմբերի 22-ի N 1064-Ա որոշմամբ ստեղծված ՀՀ համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 10.06.2025թ. N 2/փ-166 դրական եզրակացությունը և բնակելի տան կոնստրուկցիաների տեխնիկական վիճակի վերաբերյալ <ԽԱՉՎԱՀԱՆ> ՍՊԸ-ի կողմից 20.03.2025թ. տրված դրական եզրակացությունը, ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշմամբ հաստատված ինքնակամ կառույցների օրինականացման և տնօրինման մասին կարգի II բաժնի, <Տեղական ինքնակառավարման մասին> Հայաստանի Հանրապետության օրենքի 35-րդ հոդվածի 1-ին մասի 22-րդ, 24-րդ կետերի և Հայաստանի Հանրապետության կառավարության 2005թ. դեկտեմբերի 29-ի N 2387-Ն որոշման պահանջներով, նկատի ունենալով, որ հողամասում ինքնակամ բնակելի տունը կառուցվել է 2002-2021թթ., դրա պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք,

ՈՐՈՇՈՒՄ ԵՄ.

1. Տիգրան Ասլանի Հարությունյանին սեփականության իրավունքով պատկանող Աշտարակ համայնքի ՈՒջան բնակավայրում գտնվող /ծածկագիր՝ 02-109-0034-0009-ից/ բնակավայրերի նպատակային նշանակության բնակելի կառուցապատման հողամասում ինքնակամ կառուցված 350,85քմ արտաքին մակերեսով բնակելի տունը ճանաչել օրինական և օրինականացման համար համայնքային բյուջեի 900445002638 հաշվին վճարել 498 909 /չորս հարյուր իննսունութ հազար ինն հարյուր ինը/ ՀՀ դրամ /հաշվառման ծածկագիր՝ 2022SMKYKS/:

2. Առաջին կետում նշված օրինական ճանաչված բնակելի տան հասցեն համարել՝

- Աշտարակ համայնք, ՈՒջան բնակավայր, 5-րդ փողոց, 1-ին նրբանցք, բնակելի տուն N 25/1:

3. Ընդունել ի գիտություն, որ սույն որոշման ընդունման օրվանից օրինականացման համար սահմանված վճարը 60-օրյա ժամկետում չվճարման դեպքում որոշումը համարվում է ուժը կորցրած:

4. Քաղաքաշինության և հողաշինության, ֆինանսատնտեսագիտական և գնումների բաժիններին /պետեր՝ Ն. Մուրադյան, Ա. Արամյան/

- Սույն որոշման 1, 2, 3 կետերի հանձնարարականներն ընդունել ի գիտություն: