Հիմք ընդունելով Արմեն Մելքոնյանի 30.09..2025թ. N 12880 դիմումը, ժառանգությա իրավունքի վկայագիրը՝ տրված 14.08.2025թ. գ/մ 4472, սեփականության իրավունքով պատկանող՝ Աշտարակ համայնքի, Կարբի բնակավայրի 02-058-0084-0012 կադաստրային ծացկագրով, բնակելի կառուցապատման հողամասում 1965-1970 թվականներին կառուցված բնակելի տունը և օժանդակ շինությունները օրինական ճանաչելու մասին դիմումը, ղեկավարվելով <իրավունք հաստատող փաստաթղթերը չպահպանված անհատական բնակելի տների կարգավիճակի մասին> 2008 թվականի հուլիսի 19-ի ՀՀ օրենքի պահանջով, <Տեղական ինքնակառավարման մասին> օրենքի 35 հոդվածի 1-ին մասի 22 և 24 կետի պահանջներով նկատի ունենալով, որ հողամասում բնակելի տունը և օժանդակ շինությունները, որոնք կառուցվել են մինչև 2001 թվականի մայիսի 15-ը, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք,

Ո Ր Ո Շ ՈՒ Մ Ե Մ

1. Ալինա Նուրիջանի Ավետիսյանին /ծնված 01.12.1972թ./, Արմեն Ալբերտի Մելքոնյանին /ծնված 03.01.1973թ./ և Սուսաննա Համլետի Ստեփանյանին /ծնված 02-01-1975թ./ ընդհանուր բաժնային սեփականության իրավունքով պատկանող, Աշտարակ համայնքի Կարբի բնակավայրի 02-058-0084-0012 կադաստրային ծածկագրով հողամասում՝ մինչև 2001թ. կառուցված՝ 388.69 քմ մակերեսով բնակելի տունը /կառուցված 1965թ./, 15 քմ մակերեսով թոնրատունը /կառուցված 1966թ./, 12.28 քմ մակերեսով ծածկոցը /կառուցված 1970թ./ և 10.98 քմ մակերեսով պարիսպը /կառուցված 1970թ./, որոնք նրա կողմից փաստացի օգտագործվել են նաև մինչ 2001 թվականի մայիսի 15-ը, ճանաչել օրինական՝ առանց օրինակամնացման համար սահմանված վճարի գանձման:

2. 02-058-0084-0012 ծածկագրով հողամասի և բնակելի տան հասցեն համարել՝

- Աշտարակ, Կարբի, 4-րդ փողոց, 1-ին փակուղի, N 2 բնակելի տուն:

3. Քաղաքաշինության և հողաշինության բաժնին /Ն. Մուրադյան/

Հողերի գրանցման մատյաններում կատարել համապատասխան փոփոխություններ և գրանցումներ: