Հիմք ընդունելով Կառլեն Մանուկյանի լիազորված անձ Արտակ Մանուկյանի 15.04.2025թ. N 4460 դիմումը` համայնքապետարանի կողմից արված առաջարկությանը համաձայնություն տալու մասին, ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն /ինքնակամ կառույցների օրինականացման և տնօրինման մասին կարգի IV բաժին/ որոշման և <Տեղական ինքնակառավարման մասին> Հայաստանի Հանրապետության օրենքի 35-րդ հոդվածի 1-ին մասի 24-րդ կետի պահանջներով, նկատի ունենալով, որ նշված շինությունների համար սահմանված կարգով առանձնացված 359,4քմ հողամասը /ծածկագիր` 02-001-0073-0036/ չի հանդիսանում Հայաստանի Հանրապետության հողային օրենսգրքի 60-րդ հոդվածով սահմանված հողատարածք,

ՈՐՈՇՈՒՄ ԵՄ.

1. Աշտարակ համայնքի Աշտարակ քաղաքի Ե․ Չարենցի փողոց, N 35/1 հասցեում գտնվող /ծածկագիր՝ 02-001-0073-0036/, համայնքային սեփականություն հանդիսացող /սեփ. վկայական` N 13032025-02-0057/ 36,8քմ արտաքին մակերեսով N 1 տաղավարը, 28,3քմ արտաքին մակերեսով N 2 տաղավարը, 26,7քմ արտաքին մակերեսով սանհանգույցը և 12,42քմ մակերեսով պարիսպը սահմանված գնով, իսկ շինություններով ծանրաբեռնված 359,4քմ հողամասից 208,44քմ հողամասը կադաստրային արժեքով, իսկ մնացած 150,96քմ հողամասը կադաստրային արժեքի եռապատիկի չափով օտարել կառույցն իրականացրած ԿԱՌԼԵՆ ՍԱՄՎԵԼԻ ՄԱՆՈՒԿՅԱՆԻՆ:

2. Վաճառքի գինը շինությունների համար կազմում է 1 846 883 /մեկ միլիոն ութ հարյուր քառասունվեց հազար ութ հարյուր ութսուներեք/ ՀՀ դրամ, իսկ շինություններով ծանրաբեռնված հողամասի համար՝ 2 937 451 /երկու միլիոն ինն հարյուր երեսունյոթ հազար չորս հարյուր հիսունմեկ/ ՀՀ դրամ:

3. Գնման նախապատվության առաջարկն ընդունելուց հետո 30-օրյա ժամկետում օրինականացված կառույցների և դրանց պահպանման և սպասարկման համար սահմանված կարգով առանձնացված հողամասի վաճառքի գները չվճարելու դեպքում հարցին ընթացք կտրվի գործող օրենսդրությանը համապատասխան:

4. Քաղաքաշինության և հողաշինության, ֆինանսատնտեսագիտական և գնումների բաժիններին /Ն․Մուրադյան, Ա. Արամյան/

   - Սույն որոշման 1, 2, 3 կետերի հանձնարարականներն ընդունել ի գիտություն: