«Համայնքի ղեկավարներ հանուն տնտեսական զարգացման» նախաձեռնության շրջանակում մշակված Աշտարակ համայնքի տնտեսական զարգացման պլանը մշակվել է արդեն գոյություն ունեցող ծրագրային փաստաթղթերի հիման վրա և հանդիսանում է դրանցում նշված համայնքի տնտեսական զարգացման ուղեցույցը 2019-2020 թվականների համար:
Պլանի մշակման ընթացքում ղեկավարվել ենք այն իրագործելու մտադրությամբ, ինչպես նաև հենվելով մեր համայնքի հնարավորությունները` համայնքի ֆինանսական կարողությունը, բնակչության թվաքանակը, առկա ենթակառույցները և մատուցվող հանրային ծառայությունները, ինչպես նաև Աշտարակի բնակլիմայական առանձնահատկությունները: Հաշվի են առնվել նաև համայնքում առկա վտանգները (ռիսկերը):
Վստահ եմ, որ ներկայացվող փաստաթուղթը իրականություն կդառնա համայնքի բոլոր ուժերի` գործարարների, քաղաքացիական հասարակության հետ սերտ համագործակցության արդյունքում:
Համայնքի ղեկավար Թովմաս Շահվերդյան
|