Աշտարակի համայնքապետարանն առաջարկում է պայմանագրային հիմունքներով համագործակցություն՝ ՀՀ քաղաքացիական օրենսգրքի 453-րդ հոդվածի պահանջներին համապատասխան, հրապարակային օֆերտայի հիման վրա՝ Աշտարակ համայնքի ավագանու 2025 թվականի մայիսի 8-ի N 61-Ա որոշմամբ հաստատված կարգի պահանջները կատարելու նպատակով:
Աշտարակի համայնքապետարանը համագործակցության շրջանակներում սոցիալապես անապահով քաղաքացիների համար առաջնային անհրաժեշտության պարագաների ձեռքբերման նպատակով առաջարկում է մթերային, առաջին անհրաժեշտության պարենային ապրանքների և դեղորայքի մատակարարմամբ ու վաճառքով զբաղվող ընկերություններին դիմել համայնքապետարան՝ մինչև 2025 թվականի դեկտեմբերի 3-ը: Նպատակն է համայնքի կյանքի դժվարին իրավիճակում հայտնված անձանց, ընտանիքներին, առավել խոցելի խմբերին ցուցաբերել հրատապ և նպատակային աջակցություն՝ բարելավելով նրանց կենցաղային պայմանները և ապահովելով կենսական նվազագույն պահանջները։
Համագործակցության առաջարկները կարող են ներկայացվել թղթային կամ էլեկտրոնային տարբերակով՝ հետևյալ հասցեով․
- ՀՀ, Արագածոտնի մարզ, ք. Աշտարակ, Ն․ Աշտարակեցու հրապարակ 7, Աշտարակի համայնքապետարանի աշխատակազմի սոցիալական աջակցության և առողջապահության հարցերի բաժին, էլ․ հասցե՝ ashtarakmunicipality@gmail.com:
Լրացուցիչ տեղեկատվության համար զանգահարել +37423231026*116, +37433245400 հեռախոսահամարներով։
Հարգանքով՝
Աշտարակի համայնքապետարան